ده إيميل ملخص لكل الإيميلات
إلي ممكن تجيلك اليومين دول
أولا: المقاطعة:
قاطع المنتجات الأمريكية لأنها تدعم اسرائيل.
قاطع المنتجات البريطانية لأنها تدعم أمريكا.
قاطع المنتجات الدانيمركية عشان الكاريكاتير.
قاطع المنتجات الهولندية عشان الفيلم.
قاطع المنتجات الألمانية لأنها جنب الدول السابق ذكرها.
و النهاية كل الناس بيبعتو الايميلات دي لبعض من لاب توب كل البرامج الي فيه أمريكية،
و هم قاعدين في ستاربكس
بعد ما اتعشوا في كنتاكي
و معاهم "تيك أوي" من ماكدونلدز.
ثانيا: الصحة:
لا تشرب بيبسي لأنه
يحتوي على مواد تنظيف و عصارة خنزير.
لا تشرب ريد بول لأنه يسبب عقم..
لا تستعمل مزيل العرق و لاالشامبو و لا الصابون
لأنه يسبب سرطان.(استحم بقنديل ام هاشم)
لا تأكل لحم البقر لأنه يسبب جنون البقر.
لا تأكل دجاج بسبب انفلونزا الطيور
لا تأكل سمك بسبب المد الأحمر
لا تأكل خضار و لا فواكه
لأنها كلها هرمونات وبتتحقن عشان تكبر بسرعة
لا تشرب ماء معدنية
لأنه معالج بالكلور
ولو شربت
ماتملاش الازازة تانى مية عشان فيها فايرس
لا تأكل معلبات
لأنها تحتوي على مواد حافظة
لا تشرب عصير طبيعي
لأنه يأتي على شكل عصارة مركزة
لا تشرب عصير غير طبيعي لأنه كله ألوان
طيب يعني آكل هوا؟!!! .....
لأ طبعا
لأنه الهوا ملوث
بعوادم السيارات و المصانع هتموت
ندخل على العادات:
لا تشرب ماء بعد الأكل عشان بتعمل كرش
لا تنام و لا تمشي و لا تقعد بعد الأكل.
(طب اعمل ايه اتشقلب مثلا)
لا تدخن و لا تشرب شاي و لا قهوة بعد الأكل
(كل واسكت خالص اسمع مراتك بتقول ايه)
أحسن حاجة .... انك تاكل و ترمي نفسك من أعلى سطح!!!!!!
ماتخليش الماء في الثلاجة داخل علب بلاستك
لأنه مسرطنة
وبرده ماتخليهاش في زجاج
لأنه ممكن ينكسر بدون ما تعرف و تشربه و تموت
و لا تخليه برة الثلاجة لأنه ممكن يتلوث.
و لا تشرب من الحنفية لأنها مش نظيفة
لا تتكلم في الموبايل بدون سماعة
عشان الموجات بتقتل خلايا المخ
و لا تتكلم عن طريق السماعة
عشان الكهربا الساكنة
و لا تتكلم عن طريق البلوتوث
عشان الموجات برضو تقتل خلايا المخ
(يعني كل العالم الي عايشين دلوقتي
عايشين من غير مخ)
ماتخليش الهوا يدور في السيارة لما تشغل التكييف
لأنه يتلوث من التنفس.
و لا تخلي الهوا يجي من بره لأنه ملوث.
لا تعبي بنزين الصبح
عشان الكثافة عالية
و لا تعبي في الليل
عشان الكثافة واطية
و اشرب خل عشان يحرق الدهون
.... ماتشربش خل عشان بيسبب قرحة في المعدة
و اطلع في الشمس عشان فيتامين "د"
.... ماتطلعش في الشمس عشان الأوزون.
ثالثا: الدين:
ابعث هذا الايميل لجميع من عندك
وتكسب 2586445329735 حسنة ....
(الحسبة صح ماتخافش)
(لأنه الي باعث الايميل حاسبها بالملّي مكشوف عنه الحجاب)
حارس قبر الرسول (صلى الله عليه و سلم)
حلم انه الرسول (صلى الله عليه و سلم)
قالة انه لازم تبعت الرسالة.
و يجيلك ايميل مكتوب في أوله
قسم انك تبعث الايميل لكل الي تعرفهم
و بعدين يفكرك انك أقسمت.
(لا اله الا الله)
و ايميل فيه الجملة الحلوة اللطيفة
(اذا لم تبعث الايميل فانت لا تستحق أجره)
كأن هو اللى بيوزع الحسنات
و ايميل يقولك أحاديث كاذبة
و اذا ما بعثتها فأنت مقصر
و ايميل يقولك "دعاء مرة واحدة في العمر"
(يعني ادعيه و بعد كدة افجر؟؟؟؟)
و ايميل يقولك "دعاء هز عرش الرحمن"
و ايميل يقولك "دعاء من دعاه حققت له 100 أمنية"
و بعدين فتوى الرضاعة
و فتوى تحريم "البوكيمون"
و فتوى تحريم "البلايستيشن"
بس محددوش 1 ولا 2 ولا 3
و أحلا فتوى فيهم ............ . فتوى قتل "ميكي ماوس"
و الفتوى الجاري طرحها "المفتش كرومبو لازم يتقتل"
الخلاصة بقه عشان ننجز ونجيب من الأخر
أحسن حل ....
انه الواحد لا ياكل
و لا يشرب و لا يتنفس
ولا يتكلم في التلفون
و لا يطلع من البيت
و بس يقعد يبعث ايميلات ....
على فكرة:
اذا بعت الايميل ده لكل الي عندك
هاتلاقي وظيفة اذا كنت عاطل وهاتلاقي عروسة اذا كنت عازب وراح تبقى غني لو انت فقير
اما اذا مابعتوش بقه للكل
هتترفد من شغلك
وتطلق مراتك
وتفتقر الي الابد
